دیکھو مگر میری نظر سے

خود ہی

افضل — Sun, 23 May 2010 10:35:45 +0000

اٹھانا خود ہی پڑتا ہے تھکا ماندہ بدن اپنا

کہ جب تک سانس چلتی ہے کوئی کندھا نہیں دیتا

ترکی شعر

افضل — Tue, 02 Feb 2010 11:05:29 +0000

ترکی شعر کا مشہور مصرع تو سن رکھا تھا مگر مکمل شعر آج خاور صاحب کے بلاگ پر پڑھنے کو ملا۔

زبان یار من ترکی و من ترکی نمی دانم
چه خوش بودے اگر بودے زبانش در دہن من

گرتے ہیں شہسوار ہی میدان جنگ میں

افضل — Tue, 11 Aug 2009 21:29:10 +0000

یہ مصرع تو بہت پہلے سے سن رکھا تھا مگر پورا شعر آج اداکار شاہ رخ کی زبانی سنا۔

گرتے ہیں شہسوار ہی میدان جنگ میں

وہ طفل کیا گرے جو گھٹنوں کے بل چلے

سراج اورنگ آبادی کا خوبصورت شعر

افضل — Wed, 20 May 2009 01:13:13 +0000

کن نیندوں سو رہی ہے تو اے چشم نیم باز

مژگاں تو کھول شہر کو سیلاب لے گیا

احمدا فراز کا ضرب المثل شعر

افضل — Wed, 06 May 2009 10:38:32 +0000

تم تکلف کو بھی اخلاص سمجھتے ہو فراز
دوست ہوتا نہیں ہر ہاتھ ملانے والا

اس کو محبت کہتے ہیں

افضل — Sat, 18 Apr 2009 02:09:29 +0000

لفنگا کے بلاگ سے چرائی ہوئی نظم

جب بیٹی چوکھٹ پر کھڑی ہو
اور عزت کا بیوپار کرے
جب باپ کی عزت کھو جائے
جب قوم کی غیرت سو جائے
جب بھائی کو طعنے ملتے ہوں
جب بہنوں کے دل جلتے ہوں
جب ماؤں کی نظریں جھک جائیں
جب سانسیں لبوں پہ رک جائیں
جب شرم و حیا کا آمیزہ
جب ایک کنواری دوشیزہ
جب بے شرمی کو اپنا لے
جب خود کو ذلت میں ڈھالے
جب غیر کے سینے لگ جائے
اور اپنا آپ گنوا آئے
تو ایسی حالت کو اے لوگو!
ہم لوگ محبت کہتے ہیں

منیر نیازی کی پنجابی غزل

افضل — Sat, 18 Apr 2009 01:54:36 +0000

کس دا دوش سی کس دا نئیں سی
اے گلاں ہُن کرن دیاں نئیں

ویلے لنگ گئے ہُن توبہ والے
راتاں ہُن ہوکے بھرن دیاں نئیں

جو ہویا او تے ہونا ہی سی
تے ہونیاں روکے رکدیاں نئیں

اک واری جَد شروع ہو جاوے
تےگل فیر ایویں مُکدی نئیں

کج انج وی راہواں اوکھیاں سن

کج گل وچ غم دا طوق وی سی

کج شہر دے لوک وی ظالم سَن
کج سانوں مرن دا شوق وی سی

کچے کوٹھے

افضل — Thu, 09 Apr 2009 17:27:42 +0000

کچے کوٹھیاں نوں جے کر لپیے ناں

تے آخر ٹہندیاں ٹہندیاں ٹہ جاندے

ویلے سر ناں جنہاں دے ویاہ ہوندے

او آخر رہندیاں رہندیاں رہ جاندے

آئینہ ضروری ہے

افضل — Fri, 21 Nov 2008 15:59:53 +0000

شگفتہ کے بلاگ سے یہ نظم کاپی کی ہے۔

زندگی کے چہرے کا
نقش جب بگڑ جائے
دوستوں کی آنکھوں میں
دشمنی ابھر آئے
کانچ کی سنہری بات
زیرِ لب بکھر جائے
سخت بے ثباتی ہو
بات بات ذاتی ہو
اس طرح کے موسم میں
آئینہ ضروری ہے

بیساکھیاں

افضل — Sun, 03 Aug 2008 12:45:09 +0000

سٹار وائس آف انڈیا 2009 کے دوسرے شو میں ایک اپاہج گلوکار ذاکر حسین نے گانا گایا تو سب نے اٹھ کر داد دی اور ایک جج سکھوندر سنگھ نے اس کا حوصلہ بڑھانے کیلیے ایک شعر بھی پڑھا۔

ارے پربت تو کل تک جس کی لاچاری پہ ہنستا تھا

تیری چوٹی پہ بیٹھا ہے وہی بیساکھیاں لے کر

WPvideo 1.10

اس سے اگلے پروگرام میں جب یہی گلوکار ذاکر حسین حاضر ہوئے تو انہوں نے یہ قطعہ پڑھا

منزلیں انہی کی ہوتی ہیں

جن کے سپنوں میں جان ہوتی ہے

پنکھوں سے کحھ نہیں ہوتا دوستو

حوصلوں سے اوڑان ہوتی ہے

اس کے جواب میں سکھوندر سنگھ نے یہ شعر پڑھا

پتھر کے جگر والو غم میں وہ روانی ہے

خود راہ بنا لے گا بہتا ہوا پانی ہے