صبح مسز خالد نے تمہیں فون کرکے بتایا کہ خالد کی والدہ بلڈ پریشر کی زیادتی کی وجہ سے ہسپتال میں داخل ہیں۔ میں اس وقت خالد کے ہی شیل پر کام کررہا تھا۔ جب صفی نے میرے ساتھ شفٹ بدلی تو گھر آکر ہم نے پروگرام بنایا کہ خالد کی والدہ کا پتہ کرنے ہسپتال جائیں۔

جاری ہے

آج بڑی محنت کے بعد میں اپنے بلاگ کو اردو ميں سیٹ کرنے کے قابل ہوا۔ میں نے پہلے تو اردو کا الگ ڈیٹابیس بنایا، پھر اپنے انگریزی بلاگ میں ایک ڈائریکٹری بنائی اور ورڈپریس کو اس پر انسٹال کردیا۔ جب ٹیمپلیٹ چننے کی باری آئی تو میں وقت کو بچاتے ہوۓ اپنے دوسرے اردو بلاگ میرا پاکستان کی ٹیمپلیٹ انسٹال کی اور اسی کی فائلیں بھی یہاں پر اپ لوڈ کردیں۔ اسطرح میرا وہ وقت بچ گیا جو میں انگریزی کو اردو میں بدلنے کیلۓ صرف کرتا۔ اردو اور انگریزی کے بلاگوں کو ایک سا بنانے کیلۓ میں انگریزی کی ٹیمپلیٹ بھی بدل کر بلیو ہورائزن والی ہی انسٹال کردی۔

آج کے بعد میں جب چاہوں گا اردو ميں لکھا کروں گا اور جب دل کرے گا انگریزی میں لکھا کروں گا۔ یہ بھی ہوسکتا ہے کہ میں ساری ڈائری اردو اور انگریزی میں ساتھ ساتھ لکھنا شروع کردوں مگر اسکیلۓ اب دگنا وقت درکار ہوگا۔ دیکھیں اب میں اتنا وقت بلاگ کیلۓ نکال سکوں گا کہ نہیں۔

دو دن سے پریشانیوں نے گھیر رکھا ہے اور فرار کی راہ ہی نہیں سوجھ رہی۔ آج میں نے سوچا ٹیکسلا واپس چلا جاتا ہوں تاکہ طبیعت بحال ہوسکے مگر جب میں نے سامان باندھنا شروع کیا تو والدہ کے آنسو نکل پڑے انہوں نے سوچا کہ شائد ميں لوٹ کر دوبارہ نہیں آؤں گا۔

میں نے سامان ادھر ہی چھوڑا اور خود نماز پڑھنے مسجد چلاگیا۔ آج بہت دنوں کے بعد دورانِ نماز میری آنکھوں سے آنسو جھڑی کی طرح بہنا شروع ہوگۓ۔

جب گھر واپس آیا تو والد صاحب نے بھی صدمے کو دل پر لے لیا تھا اور وہ بیمار پڑ گۓ تھے۔ میں نے ٹانگے پر والد صاحب کو بٹھایا اور ڈاکٹر کے پاس لے گیا۔

اس ساری پریشانی کی وجہ سے میں نے ٹیکسلا جانے کا ارادہ ملتوی کردیا۔

آج گولڑہ شريف کا عرص تھا۔ آج ميں اور ارشد دونوں پير صاحب کے ہاتھوں پر بيعت لي۔ آج کے بعد ہم اپنے ناموں کيساتھ چشتي گولڑوي لکھ سکيں گے۔

بادل چھاۓ ہوۓ ہیں ٹیکسلہ ميں۔ ٹھنڈی ہوا کے جھونکوں کو سہتے اور جھیلتے اس سالِ نو کا آغاز کیا۔ موسم کافی خنک اور سردی کافی زیادہ ہے۔

آج مجھے اس سال کی پہلی خوشی ملی۔ میں نے ایف ایس سی میں 581 نمبر لۓ ہیں۔ اگر 20 نمبر این سی سی کے ڈالیں تو میری فرسٹ کلاس بن جاتی ہے۔ مجھے سو فیصد یقین ہے کہ انجینئیرنگ کی کسی برانچ میں داخلہ مل جاۓ گا۔

ایف ایس سی کا رزلٹ نکل آیا ہے۔ میں رزلٹ پتہ کرنے بڑے شوق سے اخبار والے کے کھوکھے پر گیا مگر میرا نتیجہ لیٹ لکھا ہوا تھا۔ اسلۓ اس سال کی پہلی خوشی ملنے میں کچھ دیر ہورہی ہے۔

آج میں حساب کتاب والا رجسٹر دیکھ رہا تھا کہ ایک صفحے پر مجھے میرا نام لکھا ہوا ملا۔ جب میں نے غور سے دیکھا تو معلوم ہوا کہ میری تاریخ پیدائش لکھی ہوئی ہے۔ یہ نوٹ جولائی آٹھ انیس سو ستاون کے دن لکھا گیا ۔

8/7/57 Dat کو لڑکا محمد افضل کی پیدائش براز جمعہ سن 1957

پہلے تو میں سمجھا کہ میری پیدائش جولائی آٹھ کی ہے مگر بعد میں غور کرنے سے معلوم ہوا کہ یہ نوٹ جولائی آٹھ کو لکھا گیا ہے اور میری پیدائش بروز جمعہ جولائی پانچ بنتی ہے۔

آج بھائی کی شادی ہوئی اور بھابی کو گھر لا کر سب کو چین آیا۔